Síðbúnir timburmenn . . . . eða hvað?

Vaknaði hálf slappur í morgun, magakveisa eða þess líkt. Birna var í fríi til hádegis en ég hékk í bælinu þar til hún var farin í vinnuna og drattaðist þá á lappir og fór með hundinn út í göngutúr. Þótt Vaskur væri búinn að væla lengi í mér að koma út var nú meginmarkmiðið að athuga hvort ég myndi hressast við að fara út. Ekki var það nú raunin, a.m.k. skánaði ég ekkert að ráði. Seinni partur dagsins fór nú mest í að hafa ofan af dótturdótturinni meðan mamman gerði herbergið þeirra íbúðarhæft að nýju.