Ég sé það nú þegar ég er að skoða bloggsíðurnar hjá samnemendum mínum að ég þarf að fara að poppa þetta eitthvað upp hjá mér. Rosalega er fólk orðið flinkt í þessu. Spjallgluggar, fullt af linkum o.s.frv. Ég er búinn að vera í mesta basli með að setja inn linka. Var dálítið að prófa þetta fyrst en hef ekki þorað að eiga mikið við þetta því ég var alltaf að rústa bloggsíðunni. Skipti oft um template og er bara nokkuð sæll með mig í hvert sinn sem ég blogga án þess að brengla síðuna :)
Bloggari: Ingólfur
Um höfund
- Ingólfur Sigurðsson
- Ég heiti Ingólfur Sigurðsson og er fæddur í Reykjavík 8. desember 1960. Ættir mínar á ég að stærstum hluta að rekja til svæðis sem nær frá Kirkjubæjarklaustri austur til Djúpavogs. Frá 5 ára aldri dvaldi ég öll sumur á bænum Flugustöðum í Álftafirði ekki langt þar frá sem dökkar dísir drápu Þiðranda son Síðu-Halls forðum. Skólaganga mín hófst í vorskóla hjá Séra Árilíusi Níelssyni en síðan lá leiðin í Austurbæjarskólann þar sem ég var í 4 vetur. Næstu 3 vetur var ég í Breiðholtsskóla og fór svo í Réttarholtsskóla þar sem ég tók landspróf. Einn vetur tók ég í Menntaskólanum við Sund en fór síðan að læra bakstur í Álfheimabakaríi. Lauk námi frá Iðnskólanum í Reykjavík árið 1983 og tók sveinspróf í bakaraiðn sama ár. Meistararéttindi í iðninni fékk ég 1986. Það sama ár hófum við hjónin ásamt tengdaforeldrum mínum rekstur bakarís í að Hólmaseli 2 í Breiðholti. Bakaríið var skírt Krás. Sá rekstur stóð óslitið til ársins ´95 er honum var hætt. Vorið ´96 tók ég að mér að stýra uppsetningu á nýrri bakaradeild við sameinaðan HHótel- og matvælaskólann sem verið var að byggja við Menntaskólann í Kópavogi.störf sem bakari
Engin ummæli:
Skrifa ummæli